ایک نیوز:الیکشن کمیشن آف پاکستان نے سینیٹ کی خالی نشست پر ضمی انتخاب کا شیڈول جاری کردیا۔

شیڈول کے مطابق 17 اپریل 2025 کو ریٹرننگ افسر پبلک نوٹس جاری کرے گا،  18 اور 19 اپریل 2025 کو کاغذات نامزدگی وصول و جمع کروائے جائیں گے،  20 اپریل 2025 کو امیدواروں کی ابتدائی فہرست جاری کی جائے گی،  22 اپریل کو امیدواروں کے کاغذات نامزدگی کی جانچ پڑتال کی جائے گی،  24 اپریل 2025 کاغذات نامزدگی بحال یا مسترد ہونے کے خلاف اپیل جمع کروانے کا آخری دن ہوگا،  26 اپریل کو امیدواروں کی حتمی فہرست جاری کی جائے گی، 28 اپریل تک امیدوار دستبردار ہوسکیں گے۔

الیکشن کمیشن کے مطابق  6 مئی 2025 کو سینیٹ کی خالی نشست کے  لیے  پولنگ ہوگی،پولنگ صوبائی اسمبلی سندھ میں منعقد ہوگی، پولنگ صبح 9 بجے سے شام 4 بجے تک بلا تعطل جاری رہے گی،  ریٹرننگ افسر اور پولنگ افسران کا تقرر بھی کردیا گیا ہے، صوبائی الیکشن کمشنر سندھ سینیٹ کی خالی نشست کے لیئے ریٹرننگ افسر ہوں گے۔

یاد رہے کہ  سینیٹر تاج حیدر کے انتقال کے بعد سینیٹ کی صوبہ سندھ سے جنرل سیٹ خالی ہوئی تھی۔